حَوْلِيَّاتُ صَاحِبِ الأشْجَارِ

"نحتاج وقتا طويلا لننطق أي شيء بالإنتية القديمة، لذا فنحن لا نقول ما لا يستحق وقته"

صهيوني أرتدي المساحيق

اتهام وفد منظمة السلام الأخضر بترويج الصهيونية واستقطاب الشواذ في الاسكندريةاتهام وفد منظمة السلام الأخضر بترويج الصهيونية واستقطاب الشواذ في الاسكندرية أثناء جلوسي منذ يومين في مكتب خدمة العملاء بالمصرف، استأذنت عميلة أخرى بالدخول لتسألني، “إنت بتقرا جرايد إيه؟ وإيه اللي بيمشيك في مظاهرات كفاية؟ وإيه رأيك في الدستور وصوت الأمة؟ ابقى سلم لي على إبراهيم عيسى! قل له أنا الست اللي بتسجل كل حلقاته”. بداية من مارس الماضي، نشرت لي الدستور بضعة تدوينات، ثم جاءت التغطية الصحافية لمظاهرة السيدة زينب ومظاهرات الأربعاء التي استمرت بضعة أسابيع، وتبعها أو عاصرها تناول الصحف العربية للمدونين المصريين وأنا منهم، ثم مقابلات صحافية ولإذاعات غير عربية مع اعتقال عبد الكريم، وبعدها جائزة دويتشة فيلله التي نقلت نتائجها مدونات كثيرة، بالإضافة إلى ما يكتبه المدونون عن بعضهم البعض. وصلتني مؤخرا رسالة من واحدة مصرية تلفت انتباهي إلى ذكري في صحيفة أخرى كجزء من تطوعي مع جرينبيس من عدد النبأ 2005.12.11، الصفحة الرابعة، باب “كلام الشارع”

الحاج عمرو

الحاج عمرو والحاج احمد بيشموا ايه بالظبط؟
اعتقد كوله ....دي دماغ كوله

مساحيق؟ إزاى؟

مساحيق؟ إزاى؟

إللي اختشوا

إللي اختشوا ماتوا
أنا ما كنتش واخدة بالي إن هما ماضيين باساميهم تحت الخبر

انت تطول يا

انت تطول يا باشمهندس !
تعيش وتاخد غيرها

على فكرة الاسم

على فكرة الاسم الموجود في الخبر هو "غريبة" وليس "غربية" فهل هذا خطأ مطبعي أم المقصود شخص غيرك يا غربية أم هو نوع من المراوغة "الصحفية"؟!

اولا انا احمد

اولا انا احمد يسرى كاتب موضوع اتهام وفد منظمة السلام الاخضر السابق ذكرة اولا انا اشكرك على الاهتمام بالموضوع ونشرة على المدونة الخاصة بك اما ثانيا فانا اقصدك بالاسم غربية ولا جدال فى ذللك ولو رجعت بالذاكرة شوية حتفتكرنى انى كنت متطوع مثلك فى المنظمة عندما جاءت الاسكندرية وقابلتك عندما جيئت متاخرا الى الاسكندرية ووجدت مجموعة من الشاباب الجالس بجوار خيمة المنظمة وسالتنى عن لاما وانت تعرف من هى لاما وكان القصد من كتابة الموضوع هو التهجم على المنظمة وكل من شارك فيها من الشباب لاننى اكتشفت ان المنظمة لها ميول اخرها مثل استقطاب الشباب للعمل داخل نطاق الماسونية العالمية قد قامت لاما بدعوتى لزيارة لبنان للتعرف اكثر على اهداف المنظمة وعندما وجدت ذللك لم يكن امامى الا الكتابة عنهم والان فانا اشكرك مرة ثانية على الشهرة الكبيرة التى اعطيتنى اياها على موقعك الجميل والذى اتابعة من فترة واريد ان اشكرك على مجهودك الكبير فى فى العمل السياسى والاجتماعى فى مصر وارجوا من الله ان اكون عند ظن نفسى بخطا ما تم كتابتة فى موضوعى فى النبا واريد من المشارة فى مدونتى ورايك فيها

a's picture

اطمئن، كله في

اطمئن، كله في خيالك أنت، بما فيها المساحيق الملونة. إنما انت إيه رأيك في الصحافة الصفراء يا أحمد؟

اولا يوجد جرائد

اولا يوجد جرائد صفراء او حمراء او خضراء وسبب هذة التسمية ترجع الى عام 1800 عندما قامت مجموعة من الثورار ضد الحكم الملكى فى انجلترا بكتابة منشورات ضد الحك الملكى وكان الورق المستخدم اصفر الون ومن هنا جاء تسمية كل ما يناهض الحكم والسياسة وكشف الفساد بالجرائد الصفراء يا عمور

a's picture

طيب يا سيدي،

طيب يا سيدي، بلاش. إيه رأيك في الصحافيين ال بينشروا معلومات إما كاذبة أو غير منسوبة لمصادر أو خارج السياق بشكل مشوه؟

شاب إسكندراني -

شاب إسكندراني

- " ووجدت مجموعة من الشاباب الجالس بجوار خيمة المنظمة وسالتنى عن لاما وانت تعرف من هى لاما وكان القصد من كتابة الموضوع هو التهجم على المنظمة وكل من شارك فيها من الشباب لاننى اكتشفت ان المنظمة لها ميول اخرها مثل استقطاب الشباب للعمل داخل نطاق الماسونية العالمية"

-يا أخي بداية: لو كنت تعجز عن الكتابة بفصحى مقبولة فالتزم العامية وارحم مراكز اللغة في أدمغتنا المسكينة، والمدونات مكان حر يمكنك فيه الكتابة بالعامية، والعجز عن الكتابة بعربية مقروءة ليس عيباً - إلا بالطبع لو كنت صحافياً. "كان القصد "التهجم" على المنظمة؟!!!!!" وحتى لو كتبت بالعامية: أحد عشر سطراً بدون علامة ترقيم واحدة ولا همزة قطع؟ هناك فارق يا أستاذ أحمد بين الهاء المربوطة والتاء المربوطة "ذكره" بالهاءالمربوطة وليست بالتاء المربوطة. "نشره" تنتهي بالهاء وليس التاء، "أتابعه" وليس "أتابعة". جريدتك التي تعمل بها اسمها "النبأ" وليس "النبا". "جئت" لا ياء فيها ولا تكتب "جيئت". ما معنى جملة "أريد من المشارة في مدونتي؟" كيف يسع القارئ تتبع ما تكتب؟

في مقال "التهجم" ذكرت ما فحواه أنشطة للمنظمة تلوح فيها ميول صهيونية وتجنيد الشباب "والسفر لإسرائيل" وحماية الشواذ، ثم عدت في تعليقك لتتحدث عما أسميته "الماسونية العالمية" وهو ما يجعلني أسألك عن العلاقة بين البيئة والصهيونية والشواذ والماسونية والمساحيق وأم صابر بائعة الجرجير التي بالتأكيد لها علاقة بتلك الشبكة التي تسع كل شيء

- ما هي مصادرك؟
- من هم "البعض" الذي "لعب" على هذا الوتر- بخلافك وزميلك؟
- هل لديك أي معلومات موثقة عن جرينبيس؟ هل لديك أي معلومات على الإطلاق عن جرينبيس؟
- تلويحك بفكرة المثلية ودعم جرينبيس من قبل المثليين هل لها أي مصدر حقيقي؟ أم هي جزء من الحلم الكبير مجهول المصدر؟
- حين وصفت صاحب الأشجار بإنه يضع المساحيق "الملونة" فمن أين أتيت بتلك الملاحظة؟ هل لاحظها أحد غيرك؟

ننبئك مرة أخرى "بخطأ" وليس "خطا" ما كتبته، بداية من الصهيونية ووصولاً للمساحيق فنم قرير العين

".....وكشف الفساد بالجرائد الصفراء يا عمور"

هل تربطك بصاحب المدونة علاقة وثيقة أو علاقة من أي نوع (لو كان اختلاق اتهامات لأشخاص علاقة) تسمح لك برفع التكليف وندائه بـ "يا عمور؟" هل هو نوع مبهم من خفة الدم؟

على كل السلوك كله - سواء الادعاءات الكاذبة وتأليف "الأخبار" والكذب بوجوه مكشوفة ودون أدنى اعتبار لقارئ يتعرض للغش والتدليس أو اعتبار لشخص يتم المساس به في سبيل خبر كاذب يداعب أوهام الجهلاء ليس غريباً على جريدة النبأ أو "النبا" أو صحافييها

ما تقولًنا كدة في نوبة صدق غير مبررة إنت كتبت الكلام الفاضي ده ليه؟
ومرة تانية: إللي اختشوا ماتوا

انا حاخد بفكرة

انا حاخد بفكرة سقراطة واكتب بالعاميه علشان ماتجيش واحدة قرت شويه كتب تتفلسف علينا وبقولها ان الكى بورد عندى فيه اربع حروف بس الى شاغلين يعنى على قد حالى وبعدين ياعمرو انا ش عارف ليه كل الهجوم دا اولا انا مش صحفى ولا حاجة يا جماعة والله انا كل الى عملته شكيت فى شويه حاجات حصلت معايا وانا فى المنظمة دى ومش انا لوحدى دا انا واشرف عبد الخالق لو تعرفة ياعمرو منسق الجعية فى الاسكندرية ومحمد اسماعيل احد الشباب وغيرهم من الى كانوا معايا فى المنظمة فى الاسكندرية بعد كدا قابلتك ياعمرو وكتبت ليك شكوكى وخلاص الموضوع .. وعلى فكرة انا لسة بكلم حسام وانته عارف طعبا حسام ياعمرو وبنا صداقة كبيرة قوى وياريت ياعمرو تقبل اسفى على ما تم نشرة فى جريدة النبأ لاننى متابع جيد لمدونتك ولم اصل لشئ من الشكوك الى كانت فى دماغى ساعتها

سقراطة
بدل ما انتى قاعدة فاضية تشتمى فى مخاليق ربنا وتطلعى القطط الفطسانة فيهم الاول ظبطى المدونة بتاعتك علشان نعرف انتى بتكتبى ايه وانا متاكد انها اتخنقت منك علشان كدا مش وجودة
وبعدين انا مش اخوكى علشان تقولى (يا أخي بداية)ومتهيقلى اسمها بدايه يا اخى وليس العكس

لو مراكز اللغه عندك بايظة مكن تدنينى الاميل ادرس بتاعك انا اعرف دكتور فى البياصة فى كرموز مكن ابعتله يعالجك

وبعدين لو انتى تعرفى ام صابر بتاعت الجرير بجد مكنتيش قولتى عليها كدا .. ام صابر دى والله ست طيبة وملهاش دعوة بالوضوع دا

وبعدين انتى مالك ومال الى بينى وبين عمرو علشان اناديه بعمورولا حتى بحمادة
دى مش خفيه دم ولا حاجة مع ان كل الاسكندرنيه دمهم خفف قوى ولو مش مصدقة تعالى اسكندرية وانا اقعدك مع محمد وحوده اخف دم فى مصر كلها مش زى ناس كتير برضة فى مصر بس دمهم واقف من امثال مدونيين كتير اعرفهم ؟؟؟

وبعدين انا مبتجنيش اى نوبه.. غير نوبة الضحك الى جاتلى وانا بقرا الكلام المتفلسف بتاعك يا سقراطة زمانك وتحفة كل الازمان

وبعدين انتى عارفة معنى الى اختشوا ماتوا ليه علشان مريضيوش يطلعوا من البيت الى ولع وهمة بيستحموا فكانوا( عرايا)انا اسف استعملت الفصحى اسمها( عريانيين)وماكنوش عارفيين يطلعوا ويهربوا من النار والناس تشوفهم ولا يموتوا ولان الحياء فضلوة عن الفلسفة فماتوا
وانتى لو مكانهم حتعملى ايه يا سقراطة
(اعتقد)اسف مرة تانيه فصحى برضة اسمها (تهيألى)كنتى حتطلعى علشان الناس تشوفك

ومرة تانيه يارت تقبل اسفى ياعمرو وكنت عاوز برضة افكرك انى اكتشفت اننا كنا مع بعض فى حزب
الغد

أنا مستمتع جدا

أنا مستمتع جدا بهذا الحمار الحوار

جملة واحدة إللي

جملة واحدة إللي وقفت عندها في تعليقك:
"وبعدين ياعمرو انا ش عارف ليه كل الهجوم دا"

لا أبداً ولا حاجة، إنت بس اتهمت منظمة بالصهيونية وتجنيد الشباب لمساندة إسرائيل وفي التعليق اتهمتها بتشجيع حاجة اسمها الماسونية العالمية وادعيت على شخص زوراً إنه يضع المساحيق وإنه السبب في إن المنظمة قيل عنها إنها بتتلقى دعم من المثليين* في جريدة... بس كدة ... عادي يعني

*ليس لديَ أي اعتراض على وضع الرجال للمساحيق الملونة ولا توجهات البشر الجنسية

آه

آه صحيح
"(اعتقد)اسف مرة تانيه فصحى برضة اسمها (تهيألى)كنتى حتطلعى علشان الناس تشوفك"

أنا "لو عايزة الناس تشوفني" يا سيد أحمد يسري تأكد إني
مش هأستنى لما حمام يولع :)

صباح الفل

انا مش حوجع

انا مش حوجع دماغى معاكم انتوا كدا شكلكم ناس فاضية موركمش حاجة
واخر كلمه حقولها لكم فى فرق كبير قوى بين مخارج النطق فى الكلمات بين الاسكندرانى والقهراوى الى بيتوه الناس لما حد بيساله على مكان فى القاهرة طبعا علشان البانجو الى بتشربوة ربنا معاكم

a's picture

طيب بما إنك "مش

طيب بما إنك "مش صحفى ولا حاجة يا جماعة والله"، اتعلم بقى الصحافي المفروض يكتب إزاي:

1. ما فيش حاجة اسمها تكتب تقرير صحافي علشان تتهجم على حد. إنت كل شغلتك إنك تقدم معلومات متوازنة وداخل السياق للقراء، وهم يكونوا رأيهم بنفسهم. كان عندك ناس كتير من السلام الأخضر في اسكندرية. ما سجلتش كلام أي حد منهم ليه؟

2. ما تجيبش كلام من غير ما تحط مصدره، يا إما الناس هيعرفوا إنك صحافي نص كم، وإن كل الكلام دا كان في دماغك إنت بس. ولما تنقل عن مصادر، تبقى تحط كل الكلام ال قالوه في علامات اقتباس ("")، علشان كدا لازم تسجل كلامهم بالنص. غير كدا تبقى مؤلف مش صحافي.

3. ابقى اكتب عربي سليم علشان الناس يفهموك.

أسفك غير مقبول، وما تبقاش تقول لي عمور تاني.

للمزيد من

للمزيد من المعلومات عن الصحفي النص كم (يعرف أيضا بالصحفي النص لبة):
http://www.absolutewrite.com/fun/hack_writer.htm

http://www.answers.com/topic/hack-writer-1

a's picture

وبعدين أنا عمري

وبعدين أنا عمري ما كنت في حزب الغد. دي كمان في دماغك انت بس.

a's picture

يعني أنا مثلا

يعني أنا مثلا ما رحتش أي نوادي. أنا سبتك ورحت أتعشى عند محمد أحمد ال كان قافل، فرحت أكلت سنتدوتشين جبنة رومي وزبادي من اللبان ال جنبه، وبعدين رحت على الفندق علشان أنام.

النادي الوحيد ال دخلته طول الحملة كان النادي اليوناني، علشان المركب راسية فيه، ودا كان بعد كدا بثلاث أيام. آه، ودخلت كمان نادي العائلات بفوة، كفر الشيخ :)

ممكن تقبل اسفى

ممكن تقبل اسفى ياعمر
ممكن اتاسف على كل الكلام الى انا قولته فى حقك وكمان ممكن انشر اعتزار رسمى ليك على صد مدونتى لو عاوز
على العموم كل سنة وانته طيب ورمضان كريم

a's picture

الاعتذار

الاعتذار المقبول إنك تنشر تصحيح للخبر، بنفس الحجم، في نفس الموضع، في نفس الصحيفة.

أنا اسمي عمرو، مش عمر.

اعتقد ان

اعتقد ان تنازلى لك لا يعنى ضعفى ولكن حبى للناس ومبدأى بالاعتراف بالخطا اذا وقع اعتقد انك لا تجدة فى الكثيريين وقد طلبت منك قبول الاعتزار وطلبت ايضا نشر اعتزار على مدونتى وهذا ما املكة واتحكم فى وهذا تقدير كبير منى لك وانت اهل لهذا التقدير بالفعل ولكن طلبك صعب جدا فى الوقت الحالى وربما ياتى اليوم الذى استطيع تلبيه هذا الطلب