لو دمر حنبعل روما، لكنا كلنا الآن نعبد البعل
بإمكاني أن ألوم حنبعل على كل أحوال العالم، فقد فشل فشلا كبيرا في تدمير روما.
دائما أجد عزائي في التاريخ البديل. كيف كانت حياتك تمسي لو لم يفشل حنبعل في تدمير روما؟
خذ مثلا:
- بدون روما، لا وجود للمسيحية إﻷ كنحلة ثانوية ضمن ديانات سورية؛
- بدون المسيحية، لا إصلاح بروتستانتي؛
- بدون البروتستانتية، لا إمبراطورية بريطانية؛
- بدون بريطانيا، لا مملكة هاشمية؛
- بدون المملكة الهاشمية، لا مدونات مكبوت.
مدونات مكبوت: أكبر مجتمع عربي على الإنترنت
أو مثلا:
- بدون روما، لا وجود للمسيحية إﻷ كنحلة ثانوية ضمن ديانات سورية؛
- بدون المسيحية، لا إصلاح بروتستانتي؛
- بدون البروتستانتية، لا إمبراطورية بريطانية؛
- بدون بريطانيا ، لن تحتل مصر عام 1882 (بتقويمنا المسيحي الذي لن يصير موجودا هو الآخر)؛
- بدون الاحتلال، لا وجود للحركة الديمقراطية للتحرر الوطني - حدتو؛
- بدون حدتو، لا رفعت السعيد.
لكن الأهم من أي شيء:
- بدون روما، كانت ستسود قرطاجة
- و إذا سادت قرطاجة، كنا سنستريح من الدكنور سمير جعجع و كل من لا يمل أن يذكرنا "أننا فينيقيون"!
»
مغتكسة دي
هاهاهاهاهاهاهاهاااااااااااااااااايييييييييييييييي
ههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههه
يااااااااااااااا يا عمرو
على كده الواحد لو قرا التاريخ بالشكل ده كان زمانا قاعدين نتحسر على حالنا
هاهاها
عمرو
حنبعل ده هانيبال مش كده؟ وللا انا فهمت غلط؟
هو نفسه
بالروماني اسمه هانيبال. بالعربي، أو الفينيقي مش فارقة، اسمه حنبعل.
تابيرياس ماركوس
طيب يا عمرو
لو كان تايبيرياس ماركوس نجح في قانون الاصلاح الزراعي ومنح حق التصويت للجماهير كنا ح يبقى شكلنا ايه؟
1- لو كان تايبيرياس نجح كان الاقطاع ح ينتهي من العالم
2- لو انتهى الاقطاع من العالم ما كانش ح يبقى فيه حروب صليبية
3- لو ما كانش حروب صليبية ماكانش ثورة صناعية
4- لو ما كانش ثورة صناعية ما كانش امريكا قوة عظمى
4- لو مش امريكا قوة عظمى ما كانش ح يبقى فيه مأمون فندي
لو كان تايبيرياس ماركوس نجح في منح "الغوغاء" حق التصويت
1- ما كانش ح يبقى فيه سولا
2- من غير سولا ما كانش ح يبقى نيرو ولا اي ديكتاتور
3- مافيش ديكتاتور ما كانش ح يبقى فيه هتلر
4- مافيش هتلر يبقى مافيش اسرائيل
5- مافيش اسرائيل يبقى محمود عباس واسماعيل هنية كانوا ح يبقوا قاعدين يلعبوا سيجا في الشارع مع بعض دلوقت
لو كان تايبيرياس ماركوس نجح في منح ضمانات لحقوق العبيد في الشغل وتملك الاراضي
1- كان سبارتاكوس ح يبقى اصلاحي مش ثائر
2- كانت العبودية ح تتلغي
3- من غير عبودية ما كانش ح يبقى فيه مماليك
4- من غير مماليك ما كانش ح يبقى فيه رأس الرجاء الصالح
5- من غير رأس الرجاء الصالح ما كانش ح يبقى فيه قناة السويس
6- من غير قناة السويس ما كانش ح يبقى فيه ثورة يوليو
7- من غير ثورة يوليو ما كانش ح يبقى فيه هيكل
لو كان تايبيرياس ماركوس نجح في الغاء الاقطاع
1- ما كانش ح يبقى فيه اقطاعيين
2- مافيش اقطاعيين يعني مافيش ثورة فرنسية
3- مافيش ثورة فرنسية يعني مافيش نابليون
4- مافيش نابليون يعني مافيش فاروق حسني
:))
ح اكل دماغك
التدوينة دي عجبتني قوي يا عمرو
وكتبت عنها في المدونة عندي
و ال قبلها لأ؟
شكرا يا نوارة. ال قبلها ما عجبتكيش؟
لامؤاخذة
ما تستغبانيش يا عمرو
وانا في الدوش افتكرت انه اسمه تايبيرياس جريكوس
tiberius ghraccus
على الله يكون السبلينج صح
عموما لو غلط ح افتكره في الدوش بتاع بالليل
معلش السن يابني
نعيما
Tiberius Gracchus
فينيقيون موووو؟
يا صديقي،
اللي طلع بفكرة انو نحنا فينيقيون هو الشاعر اللبناني سعيد عقل. وما ادراك من هو سعيد عقل.
ما بعرف كم من العقل بقي لديه، بس هوي فتح الباب وهجموا المنظرين في هذا الموضوع.
اما سمير جعجع، لا اذكر اذا سوق هو شخصيا هذا الموضوع، لا اعلم، لكن بعد خروجه من 11 سنة حبس، يبدو انه اعاد النظر في امور كثيرة...
الفكرة لذيذة يا محتال، بس مثل حكاية ابريق الزيت :)
أدرك من هو سعيد
أدرك من هو سعيد عقل. لكنه حاليا فوق طموحاتي. الاستعداد النفسي لتناول سعيد عقل لا علاقة له بمنطق "بما أن > إذا > و هو المطلوب إثباته".
السؤال هو: سعيد عقل جاب صوته دا من فين؟ أكيد روماني.
إبريق الزيت؟
مممم انا بهرش
مممم انا بهرش في شعري ( مفكراً مش عفانه يعني )
تصدق بتخيلك دا الواحد ممكن يفكر في حجات تجيب التاريخ فوق تحت انا بدأت احلم :D
اول ما هنتهي من خريطة الافتراضيات التاريخيه هقولك عليها بس منغير تريقه :D
http://masr-heya-ommi.blogspot.com/
ولا حاجه كان
ولا حاجه كان حايكون فيه صراع تانى حايولد نفس النتائج (معلش اخوك مهوس ننظريه الصراع - مش المؤامره ) فكرة الصراع هى المحرك للتاريخ سواء بين الخير والشر او الايمان والكفر او الصراع الطبقى .... الخ بحسب قناعاتك الاولية
يعني ما فيش فايدة؟ هيفضل سمير جعجع؟
معقول، لكن ليس حتما. أعتقد أن التاريخ مجملا ظاهرة إحصائية، يعني إن لم يؤثر هذا الشخص أو لتلك المجموعة ذلك التأثير، فسيكون ﻵخرين غالبا، إلا أن ذلك لا يتعارض مع أن للأفراد و الجماعات القدرة على التأثير في مجريات الأمور بقدر أقل. ليس بإمكان أي منا عكس التيار الجاري بشكل مباشر، لكن بإمكانه تغيير اتجاهه بضع درجات يمينا أو يسارا. هذا التغيير الطفيف يصبح له أثر ضخم بعد مرور القرون.
يادماغك العالية
عجبتني قوي الفكرة يا عمر
بس انت نسيت ان لولا بريطنيا لم تكن هناك اسرائيل
وطب ما تيجي نتخيل العام بلا شخص واحد
مثلا كولومبوس مكنتش هتبقي هناك امريكا
وتخيل بقه
احنا ممكن نقعد نلعب للصبح كده
شكرا يا أحم
تخيل عدد الاحتمالات في كل لحظة تاريخية، و تخيل كونا موازيا أو خطا تاريخيا لكل احتمال من تلك الاحتمالات. إن لم يسجل نيوتن ملاحظاته عن الفيزياء و يخترع الحسبان--التفاضل و التكامل--فكانت ستظهر ذات النتائج من مجهود فرد آخر--لايبنتز مثلا، لأن "الوقت" كان جاهزا، و ﻷن أفرادا آخرين كانوا مهتمين بذات الهموم.
نفس الشيء يجري على كولمبوس و وصول الغرب للأمريكتين--ستكون لدولة كولومبيا اسما آخرا، و ولاية كولومبيا كذلك. لكن الأمريكتين كانتا لفترة طويلة قبلها و بعدها محط انتباه آخرين: من إيرك الأحمر و الأمير آلاي الريس محي الدين بيري و أميريجو فسبوتشي أسماء في خطنا التاريخي. تخيل التنوع في خطوط تاريخية أخرى.
لكن طبعا في حالات الأفراد لهم فيها تأثير. حالة اسرائيل مثلا: أغلب المستوطنين الصهاينة أصلهم شعب تركي اسمه الخزر. كان لخاقان الخزر، و هم شعب وثني وقتها، جيران مسلمين في دولة الرشيد، و مسيحيين في بيزنطة، و على أثرها تحول هو و بلاطه إلى اليهودية، و تبعهم الشعب في العقود التي تلت. الخزر هم أصل شعب اليديش، أي الأشكيناز، أي يهود أوربا الشرقية، أي تسعة أعشار يهود العالم، بمن فيهم تيودور هرتزل، و حاييم وايزمان، و دافيد بن جوريون. لو لم يتحول ملك الخزر إلى اليهودية لبقيت اليهودية ديانة سورية متوسطية.
الحتمية التاريخية
سلام عليكم يا عمرو
بالتأكيد أنت تدرك تماما نظرية الحتمية التاريخية
ما كان كان ليكون
وما لم يكن لم يكن ليكون
فالفكرة جميلة من باب الفنتازيا
لكن من باب الواقعية التاريخية مستحيلة
فكما تقول انك اخطات في اختياراتك السابقة عند النظر اليها بعد اتخاذها بهنيهة
انك قد تندم علي اختياراتك أن ذاك
لكن عليك ان تدرك تماما انه كان الخيار الأفضل و الأكثر ملائمة لك وقتها
هنيبعل كان مقدرا له ان يبقي أمام أبواب روما عشر سنوات ولا يبقي له الا فتح بوابات روما للدخول
لتهزمه روما في في قرطاج و أسبانيا
هي الحتمية التاريخية يا عزيزي
و غير ذلك فنتازيا
لا تلم هنيبعل
فقد لعب دوره المحتم عليه لعبه
لعب دوره لنتعلم ان من يضحك اخيرا يضحك كثيرا
سلام عليكم
الحقيقة ﻷ
أهلا. أنا لا أفهم فكرة الحتمية التاريخية، و لا أعرف ما هي الواقعية التاريخية. ما أعرفه هو أننا إذا سمحنا بزمان و مكان كافيين، فكل ما يمكن أن يكون سيكون.
وهمي
بجد انت وهمي يا عمرو
انت بتفضل ساكت كتير و فجاءة تشقلبلنا دماغنا
إلعب غيرها يا عبقري
انت اشتغلت نواره بالتدوينه
ونواره هرشت دماغنا
أنا مدرسه تانيه في التاريخ
اعتقد ان التاريخ ضد الخيال بعكس الابداع الفني والأدبي
رغم الاثاره اللي فيه لكنه جامد تكاد تظن انه مفهوش مساحه للاحتمالات ولا البدائل
كنت زمان باحب العب اللعبه دي ولسه فاكر روايه خياليه عن تحول درامي في الحرب العالميه الثانيه خلا هتلر يفوز في الحرب وتحقق مجتمع الترشيد الانساني والقهر اللحظي روايه فيها شبه من روايه ١٩٨٤ بتاعة جورج اورويل بتقول م الاخر التاريخ اللي حصل هو احسن الممكن وغيره مرعب ويستحسن ما تفكرش فيه أساسا
بس كل ده لعب لان التاريخ لا مكان فيه للاختيار والعقلنه
فيه كتاب لطيف لمؤرخ ظريف اسمه ريتشموند عنوانه دور الصدفه والغباء في صنع التاريخ وفيه قصص مذهله عن محركات التاريخ وكيف ان العقل كان في احيان كتيره ملهش دور في صنع احداث التاريخ
عشان كده بطلت ابص للتاريخ باعتباره حكايه حلوه تصلح تفكرلها في نهايات مختلفه
التاريخ تاريخ وبس
ممكن يروي من وجهتين او تلاته للنظر لكن ده مش هايغير ما حدث ولن يخلق بدائل ومسارات بديله لتطوره
كان غيرك اشطر
بس تمرين حلو وكفايه انه عجب نواره
قدموس
و بدون السجن لما اصبح لدى سمير جعجع نظراً ليعيده او يعود به .هذا ان اعاده فعلا .
و بدون روما .. لما كان سعيد عقل يبحث الى الان عن بقايا عظام ( بغل قدموس ) على رأي استاذنا
زياد الرحباني .
و بدون ( نواره ) لما وصلت انا الى هنا .
هايل
عجبتني جدا على فكرة.
أكيد فيه فايدة والاستاذ جعجع هبزهق في يوم من القوالة.
أكثر من رائع
أكثر من رائع خصوصا الثانية. لقد دخلت هنا بالصدفة وشكرا للصدفة التي ستجعلني أدوام على زيارة هذه المدونة الجميلة والأنيقة.
مجّد سيدك
يا سيّد، و هل هناك من لا يعبد البعل في دائرة نصف قطرها 5000 كم من حيث تسكن؟
دي حادثة بديلة
مشكلة اللعبة دي إنها مش بتفترض تاريخ بديل، إنما بتفترض "حادثة بديلة وتوابعها التالية زمنيا"
مع فرضية مستحيلة هي ثبات كل الحوادث الموازية مع إن تغير الحادثة الواحدة هيستتبع تغييرات تانية (موازية) قبل التغييرات (التالية)
يعني كان ممكن ما يكونش فيه مسيحية ولا روما وبالتالي تتسع السياحة لأحد الديانات الثانوية التي ستبني الامبراطورية الشهفرية إل أرضها المقدسة في ميدان الحمرا - وبرضه يبقى فيه سمير جعجع ومدونات "مكبوت"، بس يمكن ما كناش اهتممنا دلوقتي عشان كنا هنتولد في دولة مالهاش دعوة بكل ده وما يهماش الموضوع ده أصلا وبالتالي - بالرغم من وجود سمير جعجع مش هيكون ده فارق معانا خالص :)
علِّق