"لازم كمان يبقى في تخريب!"
ذكرتني تدوينات مالك الفوضوية الأخيرة بما جرى صباح الجمعة التي سبقت اعتقاله. ركبت سيارة أجرة من شارع 26 يوليو في الزمالك باتجاه السيدة عائشة. السائق يبدو في سبعيناته، أسمر نحيف الوجه؛ يرتدي نظارة غامقة ثبت ذراعها المكسور في جسمها بشريط لاصق، وملابسه بسيطة خالية من الألوان كعادة معظم المصريين. نجلس أنا وهو صامتين في بولاق، وشارع الجلاء، وشارع رمسيس، إلى أن ننحرف في شارع عبد الخالق ثروت.
بينما نمر من أمام الاعتصام، يبدأ الرجل يحكي عنه، وعن استقلال القضاء، والبسطاويسي، ومكي. ويستطرد في التفاصيل حتى ميدان مصطفى كامل، وميدان الاوبرا، وكوبري الأزهر. أبدي اهتماما متوسطا ولا أقاطعه رغبة في المزيد.
في شارع الأزهر أشير إلى سيارات الأمن المركزي، وأسأله:
"طيب ودول؟"
"دول بقى علشان مجدي أحمد حسين وحزب العمل الإسلامي. أصلهم بيصلوا في الأزهر دا الوقت، ولما بيعملوا بروبلم، الحكومة بتعمل لهم بروبلم أكبر منها."
يسكت قليلا ويبدوا شاردا. نحن الآن في شارع صلاح سالم عند مدخل باب الوزير. أخبره أنني أعرف، وأنني أبيت في الاعتصام. تلتمع عيناه من تحت العدسات الغامقة، وينظر إلي تاركا الطريق:
"كفاية دي حركة مقاومة سلمية. ماشي. بس عارف؟ لازم كمان يبقى في تخريب! الجو اليومين دول عامل زي اثنين وخمسين. تسمع عن حريق القاهرة؟"
"أيوة"، أجيبه في ميدان السيدة عائشة بينما أخرج النقود من حقيبتي.
"عارف عمر أفندي ال في التحرير على ناصية سليمان باشا؟"
"أيوة عارفة". أناوله النقود.
ينظر في النقود، ثم يرفع رأسه تجاهي وعيناه لا تزالان تبرقان، ويبتسم في فخر باسطا كفه على صدره: "دا بتاعي أنا!"
»
ماهى لو الفوضة
ماهى لو الفوضة دى تبقى فى حاجة تنفع يبقى كويس
او حتى تخلق حالة يبقى اجمل و اجمل
لكن بص يا عمرو هاقولك على حاجة
دلوقت كل حاجة بتتعمل من خلال مرجعية معينة عند اللى بيعملها
دة عند المستنيرين و لا انت ايه رائيك ؟؟
اما الشعبويين مرجعيتهم بتكون حالتهم اللى بيمسهم هما
مش تنظير بقة و نظريات لا اللى بيحركهم
الجوع , الفقر , احتلال بلد , حاجة لامساهم من الاخر
النظام نجح فى تحويل الشباب الى قرود تعبث بأعضائها الجنسية
ليل نهار
علشان كدة مش هامم الشباب دول بطالة و لا فقر و لا جوع و لا اى حاجة
كل اللى فكروا فيه هياجهم و كبتهم الجنسى علشان كدة حتى لما قاموا بفوضى قاموا بفوضة جنسية
طبعا دة يأكد على حاجة مهمة جدا
ببساطة
و بكل بساطة
و بمنتهى البساطة
مافيش فايدة !
طب وح يتخرب
طب وح يتخرب فيها ايه اكتر ما هى خربانة؟؟
اللى شفناه دا ما هو اللى مجرد اشارة للسوس اللى عشعش فى كل اركانها
شوف يا استاذ
شوف يا استاذ عمرو
الراجل بدل جاب سيرة عمر افندى يبقى بيتكلم صح
و بدال قالك 52 و حريق القاهرة و تخريب
يبقى هو كده تمام
ليه بقى ..؟
لأن التخريب الى بيتكلم عليه و الحريق ده هما
الى حرقوا مخه و لحسوا جيبه و خربوا انسانيته
لأن واضح من وصفك ان الراجل مش لاقى اللضه
و لأن البروبلم على الرأى السواق
فى موضوع الانسانية ده
و صحة كلامه تنبع من انه شخص
عاش عل الكساء الشعبى ....وقت ماكان عمر افندى ده برنس صناعة النسيج الوطنية
و هو الى كان بيلبسه هدوم
دلوقتى الراجل بيلبس ...نس مش هدوم
فله حق يتحسر و يقولك ده ملكى
عارف يا استاذ عمرو ...
و لأ اقولك شكلك كده مش عارف
و انا محبش اقولك حاجة لحد مش عارف
علشان ميعملش بروبلم
ما فهمتش تعليق
ما فهمتش تعليق عباس العبد.
لكن ال فهمته من كلمة السائق "دا بتاعي" أنه بيلمح أنه هو ال حرقه في حريق القاهرة.
ما هو كمان مش هيقعد يوصف "بتاع العصير ال تحت الكبري" علشان في الآخر يقول "وحش ما تشربش منه"!!
لو مجنون زي ما العبد بيقول كان قال العتبة الخضرا بتاعته أو كان شاور على القلعة و قال أنا نابليون بونابارت سيد القلعة!
لمعة عينه ال وصفها صاحب الأشجار و توقيتها مش لمعة شخص مجنون (مش جنون عادي على الأقل) لكن لمعة عين ثورجي قديم نسي.
هو أنت أخوه
هو أنت أخوه فأكيد هاتفهمه أكتر مني
اللي أنا فهمته انه ناوي يحرقة في الحريق الجاي
اقرا دي ، بعد اذن عمرو طبعا
http://spring456.blogspot.com/2006/10/blog-post_30.html
يبقى أنا ما
يبقى أنا ما وضحتش. الراجل فعلا حرق عمر أفندي سنة اثنين وخمسين.
لا والله!!! دا
لا والله!!!
دا انا لو مكانك كنت اطنش على المشوار بتاعي و أرجع اركب معاه عشان يحكيلي
سواقين التاكسي و الحلاقين عندهم قدرة رهيبة على الحكي
على هامش موضوع
على هامش موضوع الثورة الجديدة ، أبويا كان واقف مرّة عند كشك يعرفه في شارع جامعة الدول مش عارف بيشتري حاجة و لا بيتلكم في التليفون و لا إيه.. المهم، سمع صبي الكشك بيقول لعمّه صاحب الكشك " لو يحصل عندنا زي اللي بيحصل في العراق و لبنان اليومين دول.. الواحد يطلع على شقق المهندسين دي يقشطها و ياخد منهم اللي هو عاوزه".
بصراحة تفكير مرعب، ربما على الواحد إنه يعزّل يروح أي واحدة من المدن الجديدة على أطراف القاهرة و الجيزة عشان يبقى بعيد عن المطامع لما الثورة الجديدة تقوم.
ما قاله الرجل
ما قاله الرجل ذو دلالة حقيقية
معظم الناس في مصر لا تفهم دلالة التظاهرات كفعل سلمي للاحتجاج أقصي مداه المأمول هو عصيان مدني سلمي أيضا
الناس تنظر للتظاهرات كفعل فوضوي ينبغي أن يؤدي إلي تغيير ملموس و لو بالعنف
لذا تجد السؤال الاستنكاري الدائم : يعني المظاهرات هاتعمل ايه ؟
هذا السؤال يعني انه لا يفهم لغة التعبير السياسي و مفرداتها
و في ذهنه فقط التغيير السريع بانقلاب , أو الفعل الانتقامي عبر إحداث فوضي و تخريب مثلما قال الرجل بتاع عمرافندي
علِّق