"كل ما المسافة بين الفعل اللي الواحد عايز يعمله و العمل تقل كل ما يبقى أحسن طبعا، لكن فكرة أن الكسل أفضل فكرة مدمرة (ضارة مجتمعيا)."

طبعاً محدش أبدا يقدر ينكر الضرر اللى ممكن يحصل للمجتمع من فكرة الكسل، ببساطة لأن الكسل أو إلغاء العمل، هو عمود الأساس في فكرة المجتمع، فعلى حد فهمى أحد أسباب وجود المجتمع هى أسباب اقتصادية، يعنى البشر عايزين يعيشوا مع بعض، كل فرد يحتاج الثانى، في المقابل، فكل فرد لازم يؤدى خدمة للثانى، و من هنا نشأ العمل.. لذلك أنا معك في أن إلغاء العمل فكرة مدمرة للمجتمع، أنا كحد لى نزعات فوضوية تقليدية شوية أقدر ارد هنا و اقول ((كس ام المجتمع، على كس ام العمل))

لكن كل دا لن يتعدى كونه مجرد هرتلة شاب يضيع وقته على الانترنت مثلي، نحن فقط نحلم يا أستاذ علاء ، و لا نقدم تفسيرات او حلول لمشاكل المجتمع. مجرد رؤية تخيلية يعنى.

كانت هذه مقدمة منطقية و تمهيد لا بد منه
"???!!!!! فين بس المجتمع اللامركزي اللي بتفرضه سياسات الرأسمالية الحديثة دي؟ ايه بالظبط اللي لا مركزي فيه"

المجتمع اللامركزى اللى حضرتك من خلاله الآن بتستخدم شبكة الانترنت، المجتمع اللامركزى اللى السلطة السياسية ايدها فيه بتضعف يوم و يوم لدرجة ان يجيلك استدعاء من أمن الدولة و انت مسافر أوغندا، المجتمع اللامركزى اللى بيخلق مجموعات صغيرة و جزر منعزله في كل حتة، اللى بيخلق مجموعة مثلا بتتكون من الناس اللى بتقرأ المدونة دى بتفكر في إلغاء العمل بينما في مجموعة ثانية على موقع اصولى مثلا بيفكروا في عملية ارهابية او تفجير مكان ما...
هذا ما أقصده بالمجتمع اللامركزى، الذى تتشظى فيه السلطة بمفهومها السياسي القديم، الذى تسمح أدوات الاتصال فيه بتفتيت و تشبيك العلاقات بشكل غير عقلانى

من يومين كنت في كافيه عائلى بعض الشيء، و كان فيه عائلة مصرية اب و ام و ولد و بنتين في لحظة من اللحظات، كان الاب يتكلم في التليفون و الام تشاهد التلفاز بينما كل من البنتين و الولد كل واحد بيتكلم في الموبيل!!

ممكن تختلفي طبعا معايا في الرؤية دى، عادى يعنى ما علينا

"فمثلا الاقتصاد المخطط بتاع الصين و الدعم الحكومي لصناعات و قطاعات استراتيجية في كوريا و اندونيسيا و ماليزيا، قوانين تأميم بنية الاتصالات في جنوب أفريقيا و اكسترامادورا و جوا كل ده ممكن يتقال عليه يسار."
و فوز ما يصف باليسار المعتدل في ايطاليا، كل دا جميل، لكن و بعدين؟
مش عارف بجد، ممكن اكون غير متابع، لكن أنا شايف كل دا حنين عاطفي، لحالة ما، مش تبنى او اقتناع فكري لنظرية.

معرفش البيانات و المعلومات اللى انت بتتكلم عليها عن عدد العمال و الطبقة الوسطى، لكن ممكن يكون كلامك صحيح لكن الأهم
أنا منبهر بكلامك الأخير الورد في الفقرة الأخيرة:

محدش هيقولك يعني ايه ماركسية لأن الدرس اللي الناس فهمته هو أن النظريات الكبرى (macro) مش مفيدة و أن المهم هو التعامل مع التفاصيل، أما ما تبقى من الماركسية فهو بعض المبادئ زي
العمل حق
الحياة الكريمة و تحقيق الاحتياجات الأساسية للجميع مسئولية المجتمع و ليس الفرد
الملكية ليست حق أساسي (مش بالضرورة يكون ده معناه أنها مش حق خالص)
التصرف في مصادر الانتاج و الموارد يخضع لضوابط مستقلة عن الملكية
من الضروري وجود آليات تسمح للمجتمع أنه يتدخل في ادارة و تخطيط النشاط الاقتصادي (ده برضه مش معناه بالضرورة ادارة و تخطيط كل حاجة)
الملكية لا تساوي الشرعية (و عند البعض ده بيترجم ﻷن السيادة للمؤسسات الديمقراطية فقط لكن في الصين ده بيترجم لأن الحكومة هتعمل اللي في مزاجها و اللي مش عاجبة الخابور موجود)
الثراء ليس حق أساسي (و الثراء يعرف بقدرة البني آدم على شراء زبادي بالفواكه)
و هكذا

تيجى نشتغل على الأفكار دى و نعملها نظرية جديدة!!!
أنا بتكلم بجد