نشره Alaa (لم يتم التحقق) يوم 9 أبريل, 2006 - 11:17.
أنا ليه شوية نزعات ماركسية تقليدية و منها أن مهم و مهم جدا كمان يكون رزق البني أدم (بمعني ما يوفر له الاحتياجات الأساسية أيا كان ايه تعريف الاحتياجات الأساسية) يكون مرتبط ب و نتيجة ل العمل.
مش لازم يكون الترابط بأن كمية الرزق مربوطة بكمية العمل أو مدى نجاحه أو أو أو، لكن يبقى فيه ضرورة للعمل.
كل ما المسافة بين الفعل اللي الواحد عايز يعمله و العمل تقل كل ما يبقى أحسن طبعا، لكن فكرة أن الكسل أفضل فكرة مدمرة (ضارة مجتمعيا).
الفكرة الأسوأ هي فكرة أن مشتغلش عشان أعمل الحاجات المهمة، دي فكرة بتكرس لطبقية جديدة تقسم العالم الي بني آدمين و نشطاء، بني آدمين و مثقفين، بني آدمين و فنانين، بني آدمين و علماء الخ، لا يا روح أمك ما هو لو أنت عارف تعيش من غير عمل يبقى فيه عبد شغال عند أبوك عشان سيادتك تاكل.
الفرق يا ابليس بين اللعب و العمل هو انك تقدر تبطل لعب من غير حسابات لكن العمل متقدرش تبطله الا لو فيه عمل تاني، أو مدخرات أو حد بيصرف عليك.
???!!!!! فين بس المجتمع اللامركزي اللي بتفرضه سياسات الرأسمالية الحديثة دي؟ ايه بالظبط اللي لا مركزي فيه؟
في يا ابليس فيه صعود لليسار فعلا بغض النظر عن التحليل واخد صور مختلفة من أول صراعات تحرير اقتصاد المعلومات الي صراعات البيئة الي حكومات أمريكا اللاتينية اللي بتسمح بتأميم شعبي للأراضي البايرة و المصانع المغلقة الخ. طبيعة الحاجات المختلفة اللي بيطلق عليها يسار جديد.
المشكلة أن كلمة يسار مقصود بيها هنا كل ما هو مختلف عن الرأسمالية التقليدية و الليبرالية الجديدة و مش مقصود بيها بالضرورة حاجة ماركسية.
فمثلا الاقتصاد المخطط بتاع الصين و الدعم الحكومي لصناعات و قطاعات استراتيجية في كوريا و اندونيسيا و ماليزيا، قوانين تأميم بنية الاتصالات في جنوب أفريقيا و اكسترامادورا و جوا كل ده ممكن يتقال عليه يسار.
تاني حاجة أعداد الطبقة العاملة مش في تناقص ولا حاجة، هي بس بتتمركز جغرافيا في أماكن معينة، اللي حاصل أن مع زيادة أهمية اقتصاد المعلومات بناخد انطباع أن أغلب العاملين في العالم بيكسبوا رزقهم بعمل ذهني مش بدني لكن احصائيا مش انطباعيا ده مش صحيح، كمان حتى اللي بيشتغلوا جهد ذهني ظروف العمل بتتغير في بعض الحالات لحد ما بقوا أقرب للطبقة العاملة (الغالبية العظمى من العاملين في صناعات الoutsourcing بيشتغلوا في ظروف عمل متفرقش عن اللي شغال في مصنع نسيج).
محدش هيقولك يعني ايه ماركسية لأن الدرس اللي الناس فهمته هو أن النظريات الكبرى (macro) مش مفيدة و أن المهم هو التعامل مع التفاصيل، أما ما تبقى من الماركسية فهو بعض المبادئ زي
العمل حق
الحياة الكريمة و تحقيق الاحتياجات الأساسية للجميع مسئولية المجتمع و ليس الفرد
الملكية ليست حق أساسي (مش بالضرورة يكون ده معناه أنها مش حق خالص)
التصرف في مصادر الانتاج و الموارد يخضع لضوابط مستقلة عن الملكية
من الضروري وجود آليات تسمح للمجتمع أنه يتدخل في ادارة و تخطيط النشاط الاقتصادي (ده برضه مش معناه بالضرورة ادارة و تخطيط كل حاجة)
الملكية لا تساوي الشرعية (و عند البعض ده بيترجم ﻷن السيادة للمؤسسات الديمقراطية فقط لكن في الصين ده بيترجم لأن الحكومة هتعمل اللي في مزاجها و اللي مش عاجبة الخابور موجود)
الثراء ليس حق أساسي (و الثراء يعرف بقدرة البني آدم على شراء زبادي بالفواكه)
و هكذا
أنا ليه شوية
أنا ليه شوية نزعات ماركسية تقليدية و منها أن مهم و مهم جدا كمان يكون رزق البني أدم (بمعني ما يوفر له الاحتياجات الأساسية أيا كان ايه تعريف الاحتياجات الأساسية) يكون مرتبط ب و نتيجة ل العمل.
مش لازم يكون الترابط بأن كمية الرزق مربوطة بكمية العمل أو مدى نجاحه أو أو أو، لكن يبقى فيه ضرورة للعمل.
كل ما المسافة بين الفعل اللي الواحد عايز يعمله و العمل تقل كل ما يبقى أحسن طبعا، لكن فكرة أن الكسل أفضل فكرة مدمرة (ضارة مجتمعيا).
الفكرة الأسوأ هي فكرة أن مشتغلش عشان أعمل الحاجات المهمة، دي فكرة بتكرس لطبقية جديدة تقسم العالم الي بني آدمين و نشطاء، بني آدمين و مثقفين، بني آدمين و فنانين، بني آدمين و علماء الخ، لا يا روح أمك ما هو لو أنت عارف تعيش من غير عمل يبقى فيه عبد شغال عند أبوك عشان سيادتك تاكل.
الفرق يا ابليس بين اللعب و العمل هو انك تقدر تبطل لعب من غير حسابات لكن العمل متقدرش تبطله الا لو فيه عمل تاني، أو مدخرات أو حد بيصرف عليك.
>المجتمع اللامركزى الذى تفرضه سياسات الرأسمالية الحديثة.
???!!!!! فين بس المجتمع اللامركزي اللي بتفرضه سياسات الرأسمالية الحديثة دي؟ ايه بالظبط اللي لا مركزي فيه؟
في يا ابليس فيه صعود لليسار فعلا بغض النظر عن التحليل واخد صور مختلفة من أول صراعات تحرير اقتصاد المعلومات الي صراعات البيئة الي حكومات أمريكا اللاتينية اللي بتسمح بتأميم شعبي للأراضي البايرة و المصانع المغلقة الخ. طبيعة الحاجات المختلفة اللي بيطلق عليها يسار جديد.
المشكلة أن كلمة يسار مقصود بيها هنا كل ما هو مختلف عن الرأسمالية التقليدية و الليبرالية الجديدة و مش مقصود بيها بالضرورة حاجة ماركسية.
فمثلا الاقتصاد المخطط بتاع الصين و الدعم الحكومي لصناعات و قطاعات استراتيجية في كوريا و اندونيسيا و ماليزيا، قوانين تأميم بنية الاتصالات في جنوب أفريقيا و اكسترامادورا و جوا كل ده ممكن يتقال عليه يسار.
تاني حاجة أعداد الطبقة العاملة مش في تناقص ولا حاجة، هي بس بتتمركز جغرافيا في أماكن معينة، اللي حاصل أن مع زيادة أهمية اقتصاد المعلومات بناخد انطباع أن أغلب العاملين في العالم بيكسبوا رزقهم بعمل ذهني مش بدني لكن احصائيا مش انطباعيا ده مش صحيح، كمان حتى اللي بيشتغلوا جهد ذهني ظروف العمل بتتغير في بعض الحالات لحد ما بقوا أقرب للطبقة العاملة (الغالبية العظمى من العاملين في صناعات الoutsourcing بيشتغلوا في ظروف عمل متفرقش عن اللي شغال في مصنع نسيج).
محدش هيقولك يعني ايه ماركسية لأن الدرس اللي الناس فهمته هو أن النظريات الكبرى (macro) مش مفيدة و أن المهم هو التعامل مع التفاصيل، أما ما تبقى من الماركسية فهو بعض المبادئ زي
العمل حق
الحياة الكريمة و تحقيق الاحتياجات الأساسية للجميع مسئولية المجتمع و ليس الفرد
الملكية ليست حق أساسي (مش بالضرورة يكون ده معناه أنها مش حق خالص)
التصرف في مصادر الانتاج و الموارد يخضع لضوابط مستقلة عن الملكية
من الضروري وجود آليات تسمح للمجتمع أنه يتدخل في ادارة و تخطيط النشاط الاقتصادي (ده برضه مش معناه بالضرورة ادارة و تخطيط كل حاجة)
الملكية لا تساوي الشرعية (و عند البعض ده بيترجم ﻷن السيادة للمؤسسات الديمقراطية فقط لكن في الصين ده بيترجم لأن الحكومة هتعمل اللي في مزاجها و اللي مش عاجبة الخابور موجود)
الثراء ليس حق أساسي (و الثراء يعرف بقدرة البني آدم على شراء زبادي بالفواكه)
و هكذا