اولاً في مضمون افكار كتير ليك انا متفق معاك فيه خصوصا موضوع اقصاء المسيحين و فكرة انها شرك بالله ، لكن النقطة اللى عايز اتكلم فيها ، و اتمنى انك لا تعتبرما سأقوله يأتى من مجرد ولد كسول يجلس خلف شاشه الكمبيوتر
انت بتقول ان المظاهرات في الاماكن بتساعد في توعيه و ايقاظ طبقات كان قد تم نسيها من الشعب ، لكن بصراحة انا مش شايف اى توعية ، انا فاكر زمان في مظاهرات التيار الاسلامى ، كانت المظاهري بيصاحبها توزيع كتب و منشورات عن موضوع المظاهرة بالاضافة إلى خطبة قصيرة موجزة غرضها التوعية بموضوع المظاهرة ، و نفس الأمر قام به بهاء طاهر و رضوى عاشور اثناء المظاهرات التى كانت قبل الحرب على العراق .

لكن و بدون ذكر اسماء ما حصل في السيدة أنا الاشخاص القائمين على المظاهرة حافظوا على مسافة فاصله بملابسهم المستوردة و شعرهم الطويل و فتياتهم الجميلة ، كان اهتمام عندهم اكتر بالظهور الاعلامى اكثر من فتح قنوات توعية و تحريك مع الناس العادية اللى أنت بتقول ان المظاهرات حركتهم .

شئ اخر فكرة استمرار المظاهرات و جعل لها يو ثابت فكرة عبقرية و لو قدر الناس تحافظ عليها ، فهيكون لها اثر كبير جداً ، خصوصاً لو حافظت على فكرة التنوع كل مرة في المكان .