أعيد ردي تاني ال عند الصعيدي: لو التعليق ما فيهوش غير شتيمة و بس، في الغالب هاشيله. لو التعليق فيه حاجة الواحد يتكلم عليها، يبقى هاخليه.
نرجع نقول برضو تاني: القضية مش قضية ملكية فكرية، لأن الملكية الفكرية مش من أهم أولوياتي. القضية كمان ما لهاش علاقة بتقرير الشبكة أو بدليل بنت مصرية للتدوين. معايير النقل و الإشارة للمصادر عندنا مش مستقرة أبدا.
القضية هي إن الكتاب ال بيحذر من النقل بالطريقة المبالغ فيها دي هو نفسه بينقل من الناس بدون أي اعتبار. الأخطر كمان إن ال بيعمل دا مش صحافي، و لا مدون، و لا حتى واحد عادي كاتب كتاب. دا رئيس محكمة عليا، و بيقدم نفسه في الكتاب على أنه مستشار صاحب خبرة قانونية كبيرة. لو نفس الأداء دا حصل منه في المحاكم أو في الانتخابات تبقى مصيبة، لأن سلطته لا يمكن معارضتها--إلا من نادي القضاة-- و لأن الحكاية مش هتبقى من نقل خمسين صفحة من من. الحكاية هتبقى من يتحكم عليه بالسجن أو الغرامة أو الإعدام، و من يتكلم و من يسكت، و من يحكم البلد. يا ريت لو مش شايف خطورة ازدواجية المعايير عند القضاة علشان لو مش شايف نقول كمان.
أنا مش عارف من احنا الخمسة ال بتتكلم عليهم، لكن لو شايف إن الحكاية خطر فعلا إن رئيس محكمة عليا يعمل كدا، فخلينا نبقى ستة.
أما التقرير ممكن نتفق عليه أو نختلف. أنا شايف إن الباحث الرئيسي إيهاب الزلاقي حط مجهود كبير في التقرير، و وسع من نطاقه مقارنة بالإصدار السابق، و أنه فعلا تقرير مهم و المعلومات ال فيه جديدة فعلا، أولا لأنه يرصد أحداث جارية أو انتهت مؤخرا، و ثانيا لأنه يوثق بشكل دقيق ما كنا نعرفه إجمالا.
شاور لي على السفر و المؤتمرات و الحاجات ال أنا سافرتها لغاية دا الوقت. انت شكلك خناقتك مش هنا.
أعيد ردي تاني
أعيد ردي تاني ال عند الصعيدي: لو التعليق ما فيهوش غير شتيمة و بس، في الغالب هاشيله. لو التعليق فيه حاجة الواحد يتكلم عليها، يبقى هاخليه.
نرجع نقول برضو تاني: القضية مش قضية ملكية فكرية، لأن الملكية الفكرية مش من أهم أولوياتي. القضية كمان ما لهاش علاقة بتقرير الشبكة أو بدليل بنت مصرية للتدوين. معايير النقل و الإشارة للمصادر عندنا مش مستقرة أبدا.
القضية هي إن الكتاب ال بيحذر من النقل بالطريقة المبالغ فيها دي هو نفسه بينقل من الناس بدون أي اعتبار. الأخطر كمان إن ال بيعمل دا مش صحافي، و لا مدون، و لا حتى واحد عادي كاتب كتاب. دا رئيس محكمة عليا، و بيقدم نفسه في الكتاب على أنه مستشار صاحب خبرة قانونية كبيرة. لو نفس الأداء دا حصل منه في المحاكم أو في الانتخابات تبقى مصيبة، لأن سلطته لا يمكن معارضتها--إلا من نادي القضاة-- و لأن الحكاية مش هتبقى من نقل خمسين صفحة من من. الحكاية هتبقى من يتحكم عليه بالسجن أو الغرامة أو الإعدام، و من يتكلم و من يسكت، و من يحكم البلد. يا ريت لو مش شايف خطورة ازدواجية المعايير عند القضاة علشان لو مش شايف نقول كمان.
أنا مش عارف من احنا الخمسة ال بتتكلم عليهم، لكن لو شايف إن الحكاية خطر فعلا إن رئيس محكمة عليا يعمل كدا، فخلينا نبقى ستة.
أما التقرير ممكن نتفق عليه أو نختلف. أنا شايف إن الباحث الرئيسي إيهاب الزلاقي حط مجهود كبير في التقرير، و وسع من نطاقه مقارنة بالإصدار السابق، و أنه فعلا تقرير مهم و المعلومات ال فيه جديدة فعلا، أولا لأنه يرصد أحداث جارية أو انتهت مؤخرا، و ثانيا لأنه يوثق بشكل دقيق ما كنا نعرفه إجمالا.
شاور لي على السفر و المؤتمرات و الحاجات ال أنا سافرتها لغاية دا الوقت. انت شكلك خناقتك مش هنا.