نشره اسماعيل محمد (لم يتم التحقق) يوم 24 مارس, 2007 - 02:24.
بعد فترة انقطاع طويلة .. اهو بحاول ارجع تاني لعالم التدوين ، وربنا يسهل ونرجع ندوّن تاني
انا شايف ان لسه بدري اوي على الكتب الي من النوع دي .. انا مش حتكلم واقول رايي في الكتاب لاني اولا لم أقرأه ثانيا مش راجل قانون بس الي شايفه قدامي وواضح اوي .. واتمنى انه يوصل لقاضينا
انه لسه بدري اوي على الكتب الي من النوع ده يا سيادة القاضي .. يعني على سبيل المثال
شوارع المدينة لا تجمّل إلا بعد بناء شبكات البنية التحتية .. واحنا بقى بنيتنا التحتية في موضوع النشر الالكتروني منيلة خالص
يعني مش لما الاول يبقى عندنا سيرفرات وخوادم وكل جهاز يبقى ليه آي بي .. وشركة الاتصالات تدي لكل خط تليفون كل الخدمات الي بتوفرها الشركات العالمية زي الي في أمريكيا
احنا يا سيادة القاضي بنستخدم تكنولوجيا اجنبية كاملة مكمّلة .. اللهم بس شركات الانترنت الخاصة بتعرف تمص دمنا وتاخد خدمة الاشتراك مننا بعد ما عرفت تقنع دولتنا الحبيبة بالدخول معاها في شراكة .. باقي الي بنعمله كله بتوفره لينا بلاد اجنبية أخرى ..
السيرفرات الي بنحط عليها كلامنا
والبرامج الي بنستخدمها للنشر
ده حتى معلوماتنا بنجيبها بطريقتنا .. بعد ما بقى تعليم المدارس كله دروس خصوصية وحتى التعليم العالي بقى دروس خصوصية
انا بس عايز اطمن بعض القرّاء واقولهم ان الحملات الي ضد النشر على الانترنت حصلت في امريكا واوروبا في فترة معينة لتحجيم وتقنين ومراقبة النشر .. ومحدش عرف يوقفها وده بالضبط الي حيحصل هنا في مصر .. ده حتى في أمريكا موضوع تتبع صاحب الصفحة امر سهل ورغم كل ده محدش يقدر يمنع حد من انه يكتب ..
احنا ناس بنتكلم زي ما قال واحد هنا كأننا على القهوة محدش حيعرف يسكتنا ولا يحجم كلامنا .. ده شيء طبيعي موجود في الإنسان بطبيعته
وعليكم انتم ايها المسؤولين والقضاة إنشاء المواقع التعليمية التثقيفية وترويجيها عشان على الاقل يبقى فيه توجيه للكلام الي على القهوة ..
لسه بدري اوي على الكتب دي
بعد فترة انقطاع طويلة .. اهو بحاول ارجع تاني لعالم التدوين ، وربنا يسهل ونرجع ندوّن تاني
انا شايف ان لسه بدري اوي على الكتب الي من النوع دي .. انا مش حتكلم واقول رايي في الكتاب لاني اولا لم أقرأه ثانيا مش راجل قانون بس الي شايفه قدامي وواضح اوي .. واتمنى انه يوصل لقاضينا
انه لسه بدري اوي على الكتب الي من النوع ده يا سيادة القاضي .. يعني على سبيل المثال
شوارع المدينة لا تجمّل إلا بعد بناء شبكات البنية التحتية .. واحنا بقى بنيتنا التحتية في موضوع النشر الالكتروني منيلة خالص
يعني مش لما الاول يبقى عندنا سيرفرات وخوادم وكل جهاز يبقى ليه آي بي .. وشركة الاتصالات تدي لكل خط تليفون كل الخدمات الي بتوفرها الشركات العالمية زي الي في أمريكيا
احنا يا سيادة القاضي بنستخدم تكنولوجيا اجنبية كاملة مكمّلة .. اللهم بس شركات الانترنت الخاصة بتعرف تمص دمنا وتاخد خدمة الاشتراك مننا بعد ما عرفت تقنع دولتنا الحبيبة بالدخول معاها في شراكة .. باقي الي بنعمله كله بتوفره لينا بلاد اجنبية أخرى ..
السيرفرات الي بنحط عليها كلامنا
والبرامج الي بنستخدمها للنشر
ده حتى معلوماتنا بنجيبها بطريقتنا .. بعد ما بقى تعليم المدارس كله دروس خصوصية وحتى التعليم العالي بقى دروس خصوصية
انا بس عايز اطمن بعض القرّاء واقولهم ان الحملات الي ضد النشر على الانترنت حصلت في امريكا واوروبا في فترة معينة لتحجيم وتقنين ومراقبة النشر .. ومحدش عرف يوقفها وده بالضبط الي حيحصل هنا في مصر .. ده حتى في أمريكا موضوع تتبع صاحب الصفحة امر سهل ورغم كل ده محدش يقدر يمنع حد من انه يكتب ..
احنا ناس بنتكلم زي ما قال واحد هنا كأننا على القهوة محدش حيعرف يسكتنا ولا يحجم كلامنا .. ده شيء طبيعي موجود في الإنسان بطبيعته
وعليكم انتم ايها المسؤولين والقضاة إنشاء المواقع التعليمية التثقيفية وترويجيها عشان على الاقل يبقى فيه توجيه للكلام الي على القهوة ..