تحية طيبة وبعد .. أشكر لكم مجهوداتكم
أحب اسجل اني ناقم على النظام الحاكم في مصر وعلى الفساد اللي دب في كل اركان الحياة مصر بسببه . نظام الفساد نفسه من أول يوم حكم له بدأ بكدبة أنه ضد التمديد لأكتر من فترتين ودلوقتي عايز يورثها ويقلبها ملكية .. فساد في كل قطاعات الدولة وعلى عينك يا تاجر .. حتى الشرطة في عهده تناست وظيفتها الأساسية وهي حفظ الأمن وحماية املاك وأمن وأعراض كل المصريين وبقت وظيفتها الأساسية حماية النظام من عدوه الشعب وبدأت تكون عصابات من البلطجية.ومن ضمن الفساد المستشري من زمان بعلم الوصول هو انك تلاقي المسئول اللي على رأس أي قطاع أو مصلحة في الدولة بقى الحاكم بأمره هو كمان اشمعنى هو .. يعين بمزاجه طبعا ابناؤه وأقاربه والدفيعة بالآف الجنيهات ويمكن تكون بقت بالدولار . الله يرحم تكافؤ الفرص والعدالة في توزيع الموارد والوظائف ,, وفساد غيره وغيره.. نفسي ماشوفش فرعون تاني لمصر طول مافيه امثالكم من الغيورين على بلدهم ( آل يافرعون إيه فرعنك .. عشان مالقتش حد يلمني ) يارب أشوف اليوم اللي الاقي فيه اللي يلمه .