معرفتي باللهجة الجزائرية لا تزال ضعيفة جدا. أرجو من أي عابر يفهمها أن يصحح لي. الأغنية أصلا لدحمان الحراشي

من القصبة لراس المول لقواس لجنينة
مرسى قابلة البحور و زما قصر قديمة
باب جديد زوز عيون من كاني للرميلة
بو فريز يلقى أصول و سيد الدالية القديمة

بهجة بيضا ما تحول و رسمك عنده قيمة
أراني نبعت لك مرسول و أجيبيني يا عاصمة

في رمضان على السحور في سوسطارة تلقينا
هدي مدة و شهور و على بالي تخميمة
و الأصل فيك مشكور أنت بخيرك تكفينا
و طلع عليك النور ما صبت مثلك في مدينة

بهجة بيضا ما تحول و رسمك عنده قيمة
أراني نبعت لك مرسول و أجيبيني يا عاصمة

الجنيان على ألوان بير خادم فيه تشينة
سحاولى شراقة و يدان ثم الرياح تحيينا
من صابني معك في منام نقدر نقول زهينة
و الليل يكون فيه عام و الصباح نقول ما بطينا

بهجة بيضا ما تحول و رسمك عنده قيمة
أراني نبعت لك مرسول و أجيبيني يا عاصمة

القبة جنان بالرمان حتى الحراش مدينة
فينهم داك الجيران و الحومة بقت حزينة
واد بريش واد سيسبان دركانة عندها قسيمة
ميمون حمام الواد فربيع رانا جرينا

بهجة بيضا ما تحول و رسمك عنده قيمة
أراني نبعت لك مرسول و أجيبيني يا عاصمة

فيك قدر و الديان و النسمة فيك نعيمة
ورد ياسمين و سيسان هادي الدنيا ما نسينا
هدروا عليك في اليمن الجزائر أراك زينة
فاتت مصر و الشام ما نخطيك حتى بليلة
سهل لي يا رحمان برضاك أنت تعافينا
نبدأها بأربع أركان في شهادة ما تنسينا
نختم قولي بقوال الصلاة على نبينا
الله يجمعنا بإحسان و ال ماتوا برحيمة

بهجة بيضا ما تحول و رسمك عنده قيمة
أراني نبعت لك مرسول و أجيبيني يا عاصمة