طبقا لجمال عيد، الخبر منشور في جريدة روز اليوسف. سأنشر المزيد من التفاصيل حين أحصل عليها.

أهلا سعيد

لا زلنا في انتظار معلومات عن سبب الدعوى. أنا لا أعرف حتى الآن إن كان محركها دعوى حق شخصي و مباشر، أم شيئا من نوع الحفاظ على الأمن القومي و سمعة مصر وما شابه، بل إن الأمر كله قد يكون خطأ جسيما من روز اليوسف، و في تلك الحالة ينبغي على كل من نشر الخبر نشر تصحيح و اعتذار، إذا لم تكن هناك دعوى.

أختلف معك، فأنا غالبا لن أقاضي الرأي، و أكيد لن أقاضي التقرير الصحافي، لأن الرأي لا ينبغي أن يؤخذ أصلا إلى المحكمة. القاضي طبعا عارف هو بيعمل إيه.

ممكن أي حد يشك في أي حاجة. المهم هو هل بإمكانك أن تقنع نفسك و الآخرين بأدلة حقيقية (و ليست متخيلة) بصحة تلك الشكوك. أكيد طبعا في ناس كل همهم أنهم يطلعوا في التليفزيون و أكيد طبعا في ناس بيشتغلوا شغل حقيقي على قضايا حقيقية (منها قضايا لم يكن المجتمع و لا القضاء ليلتفت إليها بدون جهد مدون أو اثنين أو ثلاثة، كفيديوهات ضرب المواطنين و اغتصابهم في أقسام الشرطة مثلا).

طبعا كل الناس لهم مواقف، اركب كدا الأوتوبيس و افتح أي موضوع في الشأن العام. الأهم من دا كله، هو إن النشر على وب و على المدونات بيسمح للكل بالكلام. علشان كدا ما أحبش أنتقد مجهود أي حد قبل ما أعمل مجهود يساويه على الأقل، و ما فيش حد بيوقف حد زي ما انت عارف، على الأقل لغاية دا الوقت.

تعليق رائع فعلا لو القضية بين الجكومة والقاضى معناه ان الحكومة مانفذتش طلب معين للقاضى
وكان الفعل هو القضية لكن لو كانت القضية مرفوعة على مدون معين اوموقع معين كان حايبقى الاختصام مباشر
انا شايف ان الغلط كان من موقف الشبكة
علشان لو كان هناك اعتداء على حقها كان لازم يبقى الرد مش بالاعلان عنه والتشهير بيه
انا عارف ان الشبكة ليها دور فى حقوق الانسان من فترة هى مش كبيرة قوى بس مؤثرة
لكن تأثير بعض المدونات على النت كان ليها تاثير اكبر
والمدونات فى مصر ليها دور كبير فى تشكيل الفكر المصرى الجديد ومش ممكن بل من المستحيل انها تتحط فى حزمة واحدة
يا جماعة الحكومة مش عبيطة بتعرف تتعامل مع المواقف كويس وبدراسة جيدة
مواقع قبل المدونات بكتير واكثرها مواقع حقوق الانسان دايما بتكتب عن الحال المنيل اللى احنا فيه ومكانتش بتاخد الشهرة اللى المدونات خادتها بسرعة فيدل ذلك على صعوبه احتواء المدونات الفكرة هى اكتب زى ما انت عاوز بس خليك حريص فى كتابتك بمعنى اننا لازم نكون محترفين فى التعبير بحرية واكيد حانوصل لمستوى قوى وتاثير عظيم فى شارع الانترنت (حلوة ديه )
انا مش قلقان من القضية خصوصا ان اللى حصل بعد مدونه عبالكريم اكيد حايخلى الحكومة تفكر قبل التدخل
وسلم لى على السلم العام واهانة الريس